[Mr-dir]

اخي ضياء اول شي بشكرك ع فكرة هل الموضوع واسمحلي كون اول مين يشارك !!
1- ماهو رايك في المقولة اللي تقول:
( نظرة.. فابتسامة ...فموعد... فالقاء)؟؟
صراحة ما كتير بؤمن بهل النظرية ...الحب بالنسبة الي اكتر من اني خليه محض صدفه تجمعني بالانسانة اللي بحبها ,ممكن تلفت نظري من أول مرة بشوفها بس بدها وقت و كتير عوامل لسلمها قلبي !!

2-من هو توأم روحك وبلسم جروحك؟؟
أمي !!

3-وماهو رايك في البيت الذي يقول:
نقل فؤادك حيث شئت من الهوى
مالحب الا للحبيب الأولِ ..؟؟
الحبيب الاول بالنسبة الي هوه الحبيب الاخر !!..لأني كتير انتقاءي للإنسانة اللي رح سلمها قلبي وعاطفتي بقا معلش الواحد ممكن يصبر شوي ورح يلاقي بإذن رب العالمين نصفه التاني وابدا مو حل انه الشخص يهرب من حالة حب لحالة تانية ...دايما رح تكون في حالة مقارنة او حنين !!

4- الحب لةبداية , لكن هل لة نهاية؟؟
ممكن يكون في نهاية لقاء بس بالنسبة الي بتضل ذكرى الحبيبة ببالي !!
5- ماهي مراحل الحب الحقيقي؟؟
هوه الفكرة اني ما شعرت بهل المراحل وكانت كلها مندمجة مع بعضها واحلا شي بالحب انه فورا بيرفعك للقمة ...ما في درجات او مراحل تدريجية ...اما بيكون شعلة قوية متوهجة بتنورلك دربك وبتضوي كلشي حوليك أو بتنطفي !!
6- هل حبيت من أول نظرة ومتى؟؟
سبق وطرحت فكرتي عن الحب من أول نظرة... ممكن تكون لفتة نظري من أول نظرة بس ما حبيتها !!وعلى كل حال ما صرلي فترة طويلة
7-هل سبق وصدمت في شخص أحببتة وحطيت لة مكانة فوق ما يستحقها..؟!
لاء والحمد لله ...لأني متل ما حكيت ما بسلم قلبي الا لأنسانه بعرف انها رح تحافظ عليه !!..وتستحقه!!
8- وماهو الشىء اللي يشدك في الحب ويخليك تتمسك فية ولا تقاومة..؟؟
احساس الحب نفسه !!..غرابته!!..
9-اذا رجّعناك لعصر عنتر وعبلة أو قيس و ليلى هل راح تنافس عنتر أو قيس على حبيبتة لتكسب حبها..
بنفس طريقتهم بالشعر ولاّ راح تستخدم أسلوب اية ..؟!
لاء ما ح نافس حدا !!...بالنسبة الي بحب تكون قصة حبي فريدة من نوعها وحبيبتي تكون فريدة من نوعها !!...((وبعد الشر)) عنتر أو قيس ما قدروا يحظوا بحبيبتهم لتضل دايما معهم أنا بحاول قد ما فيني انها تضل معي و إن شاء الله اقدر ع هل الشي.
انا ممكن اعمل متل دافنشي وارسملها لوحة ..خخخخ
ما بعرف في كتير اساليب ممكن تعبر عن حالة الحب بس اكيد ما ح اقطش اذني وابعتلها ياها متل ما عمل الفنان فان غوغ
ممكن أقعد بنصاص الليالي قدام شباكها اعزفلها واغنيلها اغاني !!
10- في حال كنت ينتابك حالة ( يأس) من المحبوب او حزن عميق لأنة ماعبرك ولا عطاك اهمية لمين راح تلجأ!!
غالبا انا ما بعترف بحبي الا لما حس انه الطرف التاني كمان بيحبني (( وبيستاهل هل المحبة )) ..وبهل الحالة انا بلجأ منه اله !!..ممكن تكون بحالة نفسية تعبانة منشان هيك تصرفت معي بجفاء بقا بصبر شوي وبحاول اعرف السبب الحقيقي لتصرفها !!